Nunatsinni inuussutissarsiutillit poortukkanik nassiussisinnaanerat pilertorneq pisariinnerlu!
POST Erhverv-ip nunatsinni suliffeqarfinnut www.frankie.gl–ikkut adressekortinik anillatsitsisinnaaneq periarfissaatippaa – tamanna sullississutaavoq ukiuni kingullerni inuussutissarsiummik ingerlatallit isumasiorneqarneranni assut ujartugarineqartoq.
Taassuminnga sullississuteqarnani suliffeqarfiit adressekortinik TPC-nut piniaqqaartarput, assamminnillu namminneq immersugassaralugit. Maanna NETPACK atorlugu qarasaasiakkut immersuisinnaanngorput. NETPACK-ip assersuutigalugu adressit nassiussivigineqartut toqqorsinnaavai, tamanna adressimik pilertornerusumik pisariinnerusumillu nassaarinnitsitsisarpoq, poortukkallu allakkatut nassiunneqartup akissaa atortulersuutip nammineq naatsorsortarpaa.
www.frankie.gl–ip suliffeqarfinnut periarfissaatereerpaa poortukkap erngerluni akilernissaa frimærkitassaatalu anillatsinnissaa – imaappoq suliffeqarfiit frimærki TELE-POST Centerimut akileriartortariaqanngilaat, taamaallaalliuna poortugaq TELE-POST Centerip sulisuinut tunniukkunikku.