PO-FIK - ”PostOpkrævning med bankernes Fælles IndbetalingsKort”-ip naalisarneraa.
PO-FIK atorlugu pisisartunnut nioqqutinnik tigunerani akiligassanngorlugit nassiussisinnaavutit. Nassiussaq akilerlugu tigusisussamit tiguneqarsinnaavoq. Tamatuma kingorna isumagissavarput aningaasat illit aningaaserivinnut nuunneqarnissaat. Pisariitsumik pilertortumillu!
PO-FIK allakkanut poortukkanullu atorneqarsinnaavoq. Poortukkatut nassiussaq Track & Trace-kkut malinnaavigineqarsinnaavoq. Allakkat tammatsaalisaasimagunik allagaasimagunilluunniit nalillit Track & Trace-kkut malinnaavigineqarsinnaapput.
Malugalugu! PO-FIK Kalaallit Nunaanniinnaq atorneqarsinnaavoq.
PO-FIK-imik aallartilluaannaqiit
Siullertut PO-FIK-inut immersuiffissat pissarsiariniassavatit – POST Erhverv imaluunniit najukkanni TELE-POST Centeri attavigiuk.
Tamatuma kingorna immersugassat immersorneqassapput qarasaasiakkullu Excel-imik aniatitsinissamut programmi atorlugu aniatinneqassaaq. Aniatitsinissamut programmi talerpiata tungaaniittoq aasinnaavat.
Tamatuma kingorna Excel-imik anititsinissamut programmimi quppernermi siullermiittoq ilitsersuut malissavat. Ilitsersuutip aniatinneqarnissaa inassutigineqarpoq.