Nalunaarsuutinik scannerineq

Allakkanik scannerineq
Suliffeqarfivit ullormut allagarsiaanik POST Greenland scannerisittarukku, suliffeqarfiup iluani pappialanik allakkanillu tigusisussanut agguaassinissaq sukkanerulerlunilu pisariinnerulissaaq. Suliarinneriaatsip digitaliusup suliffeqarfimmi
suliassanik ingerlatsinerit pitsaanerusumik ingerlanneqalernerat
peqataaffigissavaa. Suliffeqarfivit sullitaanut sullissineq pitsaassuserlu qaffasinnerusoq tamatuma annertusitissavaa.

Toqqukkanik scannerineq
Suliffeqarfissinni pappiaraatissi imaannik qarasaasiamut POST Greenlandip toqqorterussinnaavasi. Tamanna ilutigalugu illit pisariaqartitsinerit aallaavigalugu toqqortaatissi qarasaasiamiittuutigilernissaannut naleqqussaavigisinnaavatsigit.
Toqqorsiviit elektroniskiusut suleriaatsinik akunnaallisitsisarput
aammalu suliffeqarfinni suliat qanorluunniit ittut pitsaanerpaamik
nakkutigineqarsinnaanngortittarlugit. Oqaaseq ujarliut ataaseq arlallilluunniit atorlugit allagaq skærmikkut ujakkat erngerlutit takussavat. Tassa pujorallat akornanni pappialaatini ujarlertariaarupputit, aammami imaassinnaavoq
kukkulluni toqqorneqarsimasoq kaaviiaartitalluunniit akornaniittoq.

Fakturanik scannerineq
Suliffeqarfivit fakturaataanik scannerinerup iluaqutissartai immaqa eqqarsaatigisimassavatit, kisiannili atortunik pisinissamik, sulisuilluunniit ilinniartinnissaannik, isumannaallisaanermik il.il. nalornissuteqarlutit?
Taavami suliassaq uatsinnut suliassanngorteriannguaruk!

Scannerinissap uatsinnut suliassanngortinneratigut fakturanik scannerititsineq erngerlutit iluaqutissarsiffigissavat, illit suliassamut aqutsisutut nukissatit, scannerinermi teknologiimut aningaasaliinissaq pisariaqassanngimmat imaluunniit sulisunik ilinniartitsinissamut atortariaqassannginnakkit.

Isumannaassuseq qaffasissoq
Filit tamarmik sukkasuumik naammassiuminartumillu scannerneqartarput, kingornalu filitut paasiuminaallisakkatut tigusisussamut nassiunneqartarlutik, inilu scanneriffik videoliuut atorlugu ilaatigut nakkutigineqartarput, immikkut ittumik isumannaallisagaasumik iliuuseqartoqartarluni suleriaaseqartoqarlunilu.

Attaveqarfissaq
Allanik suli paasisaqarumaguit suliffeqarfissinniluunniit atorsinnaasassinnik neqeroorutitsialammik pissarserusukkuit, taava tikilluaqquneqarputit TELEPOST Centerimut saaffiginninnissannut, posterhverv@tele.gl –iluunniit aqqutigalugu POST Erhverv attavigisinnaallugu, sianersinnaallutilluunniit telefon 34 18 35-mut.