Angissusissat oqimaassusissallu
Minnerpaaffissaq: 14x9 cm.
Minnerpaaffissaq imusaq/amilimasoq: takissuseq 10 cm aamma takissuseq + 2 x diameter/portussuseq = 17 cm.
Annerpaaffissaq: Takissuseq 60 cm aamma takissuseq + silissuseq + portussuseq = 90 cm.
Annerpaaffissaq takissuseq/amilimasoq: takissuseq 90 cm aammma takissuseq + 2 x diameter/takissuseq = 104 cm.
Annerpaaffissaa, oqimaassusaa puualu ilanngullugit: 2 kg.
Nassiussassavit angissusissat oqimaassusissallu qulaani taaneqartut qaangersimappatigit, taava poortukkatut nassiussassanngussavat.
Angallanneqarnerata sivisussusaa – nassiussaq qanoq sivisutigisumik nassiussisumiit tigusisussamut ingerlasarpa?
Allakkat immikkoortinneqartarput allakkanut (A-nut) aamma (B-nut).
Allakkat (A-t) timmisartumut tullermut (umiarsuarmulluunniit, tassuunaaruni sukkanerussappat) angallanneqartarput.
Allakkat (B-t) umiarsuarmit periarfissaasumit siullerpaamit angallanneqartarput. Allakkat illoqarfiup iluaneersut (B-tut) akeqartinneqarput.
Inoqutigiiaanut sapaatip akunneranut marloriarluni allakkanik agguaasoqartarpoq.*
Allakkat (A-t) TELE-POST Centerimut tikiunneqarniariaraangata postbokse-nut immikkoortiterneqartarput. Allakkat (B-t) TELE-POST Centerimut tikiunneqarnerminniit kingusinnerpaamik ulluinnaq tulleq immikkoortiterneqartarput. Illoqarfiup iluani allakkat TELE-POST Centerimut ulluinnarni nal. 15 sioqqullugu tunniunneqartut ulloq taanna postboks-inut immikkoortiterneqartarput.
*Allakkat taamaallaat agguaanneqartarput Aasianni, Ilulissani, Maniitsumi, Nanortalimmi, Narsami, Nuummi/Nuussuarmi, Paamiuni, Qaqortumi, Qasigiannguani, Qeqertarsuarmi, Sisimiuni, Tasiilami, Upernavimmi aammalu Uummannami. Illoqarfinni nunaqarfinnilu taaneqanngitsuni allakkat nalinginnaasut POST Greenlandip suleqatigisaanut aaneqarsinnaapput.