Angissusissat oqimaassusissallu
Minnerpaaffissaq: 14x9 cm. Poortugaq imusaappat amilimasuulluniluunniit: takissuseq 10 cm aamma takissuseq + 2 x diameter/portussuseq = 17 cm.
Annerpaaffissaq: takissuseq 150 cm aamma takissuseq + kaajallallugu = 300 cm. Poortugaq imusaappat amilimasuulluniluunniit: takissuseq 150 cm aamma takissuseqimaluunniit diameter = 25 cm.
Oqimaassuseq annerpaamik puua ilanngullugu: 50 kg. (Danmark Kalaallit Nunaallu) (nunat allat: annerpaamik 30 kg.)
Nassiussassavit angissusissat oqimaassusissallu qulaani taaneqartut qaangersimappatigit, taava allakkatut nassiussassanngussavat.
Angallanneqarnerup sivisussusaa – poortugaq qanoq sivisutigisumik nassiussisumiit tigusisussamut ingerlasarpa?
Poortukkat (A-t) timmisartumut tullermut (umiarsuarmulluunniit, tassuunaaruni sukkanerussappat) angallanneqartarput.
Poortukkat (B-t) umiarsuarmit periarfissaasumit siullerpaamit angallanneqartarput. Poortukkat illoqarfiup iluaneersut (B-tut) akeqartinneqarput.
Poortukkat (A-t) TELE-POST Centerimut tikiunneqarniariaraangata postbokse-nut immikkoortiterneqartarput. Poortukkat (B-t) TELE-POST Centerimut tikiunneqarnerminniit kingusinnerpaamik ulluinnaq tulleq immikkoortiterneqartarput. Illoqarfiup iluani poortukkat TELE-POST Centerimut ulluinnarni nal. 15 sioqqullugu tunniunneqartut ulloq taanna postboks-inut immikkoortiterneqartarput.