POST
TELE Greenland A/S-imi immikkoortortaavoq, Namminersorlutik Oqartussanit 100%-imik pigineqartoq.
Qullersaqarfik Nuummiippoq, aammalu sulisut, Kalaallit Nunaat tamakkerlugu siammarsimasut 200-t missaanniillutik.
POST-imi allakkerinerup niuerutigineqarnerani suliassanik nalinginnaasunik tamanik suliaqarpoq, aammalu ukiumut allakkat 7 millionit aamma poortukkat 190.000-it missaanniittut Kalaallit Nunaanni illoqarfinni, nunaqarfinni isorliunerusunilu tamani suliarisarlugit.
POST-ip Filatelia, kalaallit frimærkiinik saqqummersitsisartoq ingerlataraa, taannalu namminerisaminik nittartagaqarpoq:
www.stamps.gl
www.telepost.gl aqqutigalugu suliffissuaq pillugu annertunerusumik atuagaqarit, tassanilu suliffeqarfik TELE-POST tamaat pillugu ilisarititsinerit takutinnaavatit, taakkulu ataaniipput aaqqissuussaanerit pillugu ilisimatitsissutit, ukiumoortumik nalunaarutit, tusagassiorfinnut nalunaarutit, ilinniartitaanerit il.il.