Isummat uatsinnut pingaaruteqarpoq!
Sullitatta pisariaqartitaannik naammassinnissinnaaneq suli pikkoriffiginerulerumallugu TELE-POST-imi ukiut tamaasa
sullitat isumaat avataaneersut aammalu suliffitsinnut attuumassuteqanngitsut misissuiffigisarpaat.
Misissuiffiginninnitta kingulliup takutippaa sulisut sullitallu ukiumut kingullermut naleqqiullutik ukioq manna naammagisimaarinninnerusut, tamannalu soorunami nuannaarutigeqaarput. TELE-POST-imili uninngaannanngilagut
iluarusorujoorlutalu, nalunngilarpullu suli pitsanngorsaaffissaqartuartoq. Taamaammat isumasiuinikkut paasissutissiinisi sukkut suli pitsanngorsaasariaqarnersugut sulissutiginiarpagut.
POST-imut tunngatillugu sullitanik isumasiuinerup inerneri tunngavigalugit TELE-POST Centerini anginerni paasissutissiinermut atortoq nutaaq maanna ikkussulereerparput, postbokseqarfinni fladskærmitigut najukkami ingerlatsinermut
paasissutissanik saqqummiisalerluta kiisalu nioqqutitta nittarsaanneqarnerat pitsaanerusunngortinnialerlugu.
Aamma naammagittaalliortarfiusinnaasumik atortulersuilerpugut, sulisugullu naammagittaalliutaasunik qanoq ilillutik suliarinninnissaannik ilinniartilerlugit. Poortukkat qanoq pilertortigisumik apuunneqartarnerat pillugu avataaniit pitsaassutsimik misissuisoqarpoq, taakkunanngalu paasisat ataavartumik saqqummiunneqartarlutik.
Isumasiuinermut peqataajumasimasut tamaasa qutsavigiumavagut, inernerusummi tunngavigalugit maanna pitsanngorsaaqqilluta aallartippugut.