Ullormi Inuiattut Ullorsiorfitsinni pilluarit
Ataasinngorneq ulloq 21. juni Kalaallit Nunaat Inuiattut Ullutsinnik nalliussissaaq, Erfalasorpullu ulloq taanna tamani aamma amuneqarsimassalluni.
Erfalasutta eqqumiitsuliortumit Thue Christiansen-imit suliarineqarneraniit ukioq manna ukiut 25-t qaangiupput.
Tamanna pissutigalugu POST frimærkimik taamatuttaaq Thue Christiansen-imit suliarineqartumik saqqummiivoq, Thue-llu Erfalasutta qanoq ililluni piviusunngortinnera matumani oqaluttuaraa:
- Erfalasumik naapitsinera pingaaruteqartoq siullerpaaq eqqaamalluarpara. Maniitsumi atualeratta qallunaat erfalasuarannguat annoraatsinnut ikkunneqarmat.
- 1970-ikkunni politikkikkut eqeeriartorfiup nalaani inunnik kikkuugaluartunilluunniit ataqqinninneq, inuiaallu ikinnerussuteqartut nammineersinnaanerunissaannut
sulissutiginninneq aallartilluarsimalersimasoq inuusukaajulluta
nalaapparput.
- Kalaallit eqqumiitsuliortut arfineq marluusugut qinnuigineqarpugut sanningasortaqanngitsumik
siunnersuusioqqulluta. Siunnersutigullu sanningasortalinnik siunnersuuteqartunut unammillertinneqarput.
- Ila tassa pissanganaq. Taasissutigineqalermat kammamma aavaqatigisartakkama Erling Lyberth-ip Namminersornerusut allaffiani isertuullugu taasisitsineq malinnaaffigaarput. Naluneqanngitsutut siunnersuutiga ajugaatinneqarpoq.
Erling-ip nunatsinniittuni siullersaalluni pingaartorsioqaluni assakkut eqillunga pilluaqqugaanga eqqaamaqaara.
- Inatsisartut toqqaareernerisa kingorna erfalasoq
pillugu oqallinneq annertoqaaq. Ullumikkulli atuutilerneraniit ukiut 25-it qaangiuteriannguartut erfalasorput nalinginnaasutut
atorneqalerpoq ataqqineqarluni nuannaarutigineqarlunilu.
- Kalaaleqatikka tamassi erfalasup 25-liinerani pilluaritsi, Thue Christiansen oqarpoq.
Frimærki najukkanni TELE-POST Centerimi pisiariuk imaluunniit www.stamps.gl